ආල වඩන අකුරු පහේ තේරවිල්ල සකී
රෑට නිදන තනි පැදුරේ නැති සිහිනෙකි සකී
ආලෙ බිඳුණු දා කුමකට කඳුළු හෙලනු සකී
ආල වඩන යන තේරුම බෝසත්කම සකී
ආලය යනු කිසිම විටක බලෙන් ලබා ගත නොහැකි වූ මහා පුදුමාකාර දෙයක්.එය හදවත් තුළ ඇති වන හැඟීමක්.වරෙක මිහිරි වන ආදරයම තවත් විටෙක මහා ගින්දරක් වී අපව රිදවයි.නමුත් එම රිදවීම හමුවේ වුවද තම ආදරවන්තයා හෝ ආදරවන්තිය කෙරෙහි වෛරයක් ඇති කර නොගෙන ඔහුගේ හෝ ඇයගේ සතුටට ඉඩ දිය හැකි නම් එය උතුම් වූ පරිත්‍යාගයක් නොහොත් ආදරයක්.ඉතින් ඒ උතුම් පරිත්‍යාගශීලියා බෝධිසත්ත්වයෙක් නොවන්නේද?
ටික දවසකින් බ්ලොග් එක පැත්තෙ ආවෙ නිකන්ම නෙවෙයි.අද අරගෙන ආවෙ චිත්‍රපට ගීතයක්.මේ ගීතය අඩංගු වෙන්නෙ හෙළ සිනමාවේ තවත් එක් විශිෂ්ට ගණයේ නිර්මාණයක් වන 1976 වර්ෂයේ තිරගත වූ හුලවාලි නම් චිත්‍රපටයෙයි.මේ ඉතා මියුරු සහ හැඟීම්බර ගීතය ගායනා කරන්නේ අප කොයි කවුරුත් ඉතාමත් හොඳින් දන්නා හඳුනන සුනිල් එදිරිසිංහ මහත්මයා විසින්.මෙම ගීතය පසුබිමින් වාදනය වන විට තිරයේ රූප රාමු මැවෙන්නේ නරඹන අපගේ ඇසට කඳුලක් එක් කරමින්.එමෙන්ම මෙම ගීතය රචනා කරලා තියෙන්නේ ජනස්‍රැතියට ඉතා සමීප ජන කවි ආර ඇසුරු කරමින් ධර්මසිරි ගමගේ මහතා විසින්.එමෙන්ම ඉතා සංවේදී අයුරින් සංගීත නිර්මාණය කර තිබෙන්නේ වික්ටර් රත්නායක මහත්මයා විසින්.
අහලා බලන්න මෙහි ඇති ශෝක රසය.
කුඩා ගමේ මද්දහනේ අවු රස්නේ නිවාහුරී කඳු පෙතේ දඩ මං දිගේ ගියා මෙමාඑවන් ගමන් මා නම් ගියෙ සෙනෙහස ගැන සිතානුඹේ කරට රිදී පොටක් පළඳන්නයි සුබාමගේ පැලට නුඹ කැන්දන් පැමිණි දොහේ එදාමල් ගෝමර පිපුණු ළමැද වසා ගනින් කියාමගේ අතින් දුන් සළුවෙන් ළමැද වසා ගියාරිදී පොටක් කර ලන්නට වරම් නැතුව ගියා ... වරම් නැතුව ගියාආල වඩන අකුරු පහේ තේරවිල්ල සකීරෑට නිදන තනි පැදුරේ නැති සිහිනෙකි සකීආලෙ බිඳුණු දා කුමකට කඳුළු හෙලනු සකීආල වඩන යන තේරුම බෝසත්කම සකී //
No comments:
Post a Comment