ඇස රැඳුන රැඳුන තැන්වල මුව මඬල හිනැහුණා - ඔබ මතක නැති කරන්නට මට මතක නැති වුණා //
දුක් පැදුර දිගැර අලසව ඇත හද ගිමන් හලේ - නින්දකට නොවැටි තැවි තැවි මුළු රැය පහන් කළේ //ඇස රැඳුන රැඳුන ....රෑ කවුද හෙමින් එළඹී මගෙ කනට මුව තියා - මින්දදගෙ දුන්නෙ මල් හී අහකැයි කියා ගියා //ඇස රැඳුන රැඳුන ....වැසු විමන් පියන් පියවා රඳවන්න මට හිතයි - උඩු හිතට වැඩිය ඔබ ගැන විමසන්නෙ යටි හිතයි //ඇස රැඳුන රැඳුන ....
ජේ.ඒ මිල්ටන් පෙරේරා කිව්වම කවුද නොදන්නෙ නේද?.අද මම අරගෙන ආවෙ එතුමා ගායනා කරපු ඉතා මියුරු ගීතයක් අරගෙන.ඒ තමයි ඇස රැඳුන රැඳුන තැන්වල කියන ගීතය.මේ ගීතය ඉතා සරල තේරුමක් සහිත ගීතයක්.මේ ගීතයේ පද රචකයා විදිහට සඳහන් වන්නේ කරුණාරත්න අබේසේකර මහතා වන අතර සංගීතය සැපයුවේ මොහොමඩ් සාලි මහත්මයා වේ.මේ ගීතය අසන්නන් අතර කොයිතරම් ජනප්‍රිය වුණාද කිව්වොත් පසුකාලීනව මෙයට පිළිතුරු ගීත පවා නිර්මාණය වුණ.එයද හැකි අයුරින් ඉදිරියේදී ලබා දෙන්නම්.මගේ අදහසට අනුව නම් මෙම ගීතයෙන් කියැවෙන්නේ සැබෑ ආදරයක් ගැනයි.මොකද කියනවානම් යම් පුද්ගලයෙක් සත්‍ය වශයෙන්ම ආදරය කරනවා නම් ඔහුව හෝ ඇයව කිසිදාක අමතක කළ නොහැකියි.මේ ගීතයෙන් කියන්නෙ තමන් හිතින් ආදරය කරන ගෑණු ළමයගෙන් කැමැත්ත අහලා බෑ කියන පිළිතුර ලැබුණු පසු ඔහුගේ හිතේ ඇතිවන සිතුවිලි ගැනයි.ඇය බෑ කිව්වත් තවම ඇයට ආදරය කරනා ඔහුගේ සිතුවිලි අහලම බලන්න.
ඉතින් සුපුරුදු පරිදි ඔබේ අදහසුත් පහළින් සඳහන් කරගෙනම යන්න.
MD5 : 7CD6FA06F00F1E9B7A5472981F906E9A
No comments:
Post a Comment