දිය පොදක් වෙමින් තොල් වියළෙන පිපාසෙට
නුග රුකක් ලෙසින් උතුරා යන විඩාවට
පිපි මලක් වුණා මල් නොපිපුණු තටාකෙට
ඔබ අගෙයි ළඳේ හෙට අදටත් වඩා මට //
අරුත් සුන් වදන් පවසන ගිරව් දොඩමළු - හෙටත් නඟපුදෙන් ඔය කිචි බිචිය සුළු සුළු //
තිගැස්සී බියෙන් ඔබ විය යුතුද බියගුළු
දකින්නට ලැබෙයි අපටත් සිසිල අරුණළු //
දිය පොදක් වෙමින් ....
ඔබේ පිය වදන් පුද දෙන සහන සිතුවිලි - අරන් එයි පෙරන් අපමණ සුවය සැනසිලි //
සුගන්ධය ලැගුම් ගෙන ඇත අවට වෙලි වෙලී
සඳෙන් රැස් හැලෙයි කුමටද සහන තරු එලී //
දිය පොදක් වෙමින් ...
අද මම අරගෙන ආවෙ එච්.ආර් ජෝතිපාල මහත්මයා ගායනා කරන දිය පොදක් වෙමින් තොල් වියලෙන යන ගීතය සහ එහි අනුවාදනය.එච්.ආර් ජෝතිපාල යන නාමය නොදන්නා කෙනෙක් නැති තරමටම එතුමා ජනප්‍රියයි.එතුමාට අන්වර්ත නාමයකුත් තිබුණා "හදවත රත්තරන් ජෝතිපාල" කියලා.ඔහු ගොඩක්ම ගායනා කළේ හින්දි තනු ආශ්‍රිතව නිර්මාණය වූ ගීත.බොහෝ විට එකම තනුව ඇති ගීත ඔහුගේ ගීත සමූහයේ තියෙනව.මේ ගීත වලට පසු කලයේ පිළිතුරු ගීත පවා නිර්මාණය වුණා.මේ ගීතයේ තනුවටත් ඒ වගේම ගීත බොහෝ ගණනක් තියෙනවා.එයින් එකක් මම මීට කලින් දුන්නා.ඒක නොබලපු අය මෙතනින් ගිහින් ඒක ගන්න.අනෙකුත් ගීතද ඉදිරියේදී හැකි අයුරින් ලබා දෙන්නම්.
මේ ගීතය අද ඔබට ඇහෙන ගීතයට වඩා හාත්පසින්ම වෙන ගීතයක්.මේ මම ලබා දීලා තියෙන්නේ ජෝතිපාල මහත්මයා තරංගා ලේබලය යටතේ ගායනා කරපු මුල් ගීතය.මෙහි සංගීතය දිහා අවධානය යොමු කළොත් සරල සංගීත භාණ්ඩ යොදාගෙන ඉතා සරල,ලයාන්විත සංගීතයක් ඔබට අහන්නට පුළුවන්.අහලම බලන්න මේ ගීතය කොයිතරම් මියුරුද කියලා.
ඉතින් සුපුරුදු ලෙසම ඔබේ අදහස්,උදහස්,යෝජනා හා චෝදනා පහළින් කමෙන්ට් කරගෙන යන්න.
ගීතය පහළින් බාගන්න
MD5 : 79C94A86AE76F9B44EF6DC32DC9AE515
අනුවාදනය පහළින් බාගන්න
MD5 : 33949F2250E3AA89DB9471F2625E46F9
No comments:
Post a Comment