ඉසුරු දෙවිඳු උමයංගන සේ පෑහෙන්නයි - විෂ්ණු බ්‍රහ්ම මෙහෙසුරු දෙවි පිහිට පතන්නයි
තවිල් නදින් සවන් පිරෙන්නයි - කොකුමඟරා නලල දිලෙන්නයි
ඉසුරු දෙවිඳු ...
කුල කතකගෙ සුරතුර බඳු සුරත ලබන්ඩයි - තල් වැට බිඳ නිල් වන රොදකට යා ගන්ඩයි
පතිනිය මිස පාක්කුඩම් කිසිත් නොගන්ඩයි - පෝරුව පිට සිටුවා කර මාල බඳින්ඩයි
කෝවිල කොත් කැරලි කැලුම් නෙත දැවටෙන්නයි - දීප ධූපයෙන් දිවි මඟ සුවඳ කරන්නයි
පිච්ච මලින් යහන සැදෙන්නයි - රාධා ක්‍රිෂ්ණා පෙමින් වෙලෙන්නයි
අත පැන් වත් කොට සුළැඟිලි එකට බඳින්ඩයි - තැලි පිළි අන්දා පෙර කුල සිරිත රකින්ඩයි
බුලත් හුරුළු දී නෑයන් අවසර ගන්ඩයි - සිලෝ හඬින් පාවඩ පිට කැන්දන් යන්ඩයි
ඉසුරු දෙවිඳු උමයංගන සේ පෑහෙන්නයි - විෂ්ණු බ්‍රහ්ම මෙහෙසුරු දෙවි පිහිට පතන්නයි
තවිල් නදින් සවන් පිරෙන්නයි - කොකුමඟරා නලල දිලෙන්නයි
No comments:
Post a Comment