මම හිතනවා ඉහත සඳහන් කළ ගීත ඛණ්ඩය ඔබ ඉතා හොඳින් හඳුනනවා කියා.ඒක කොයි තරම් අපේ හදවත් ස්පර්ශ කලාද කිව්වොත් ඒක අහන වෙලාවට අපේ ඇස් වලට අප නොදැනුවත්වම කඳුළු එනවා නේද?(වර්තමානයේ වේග රිද්ම ගීතයට නම් මේ කතාව අදාල නැත).ඉතින් ඒ ඉතා හැඟීම්බර ගීතය ගායනා කරපු ප්‍රවීණ ගායකයා වන කේ.සේන මහත්මයාගෙ අපරිමිත පිය සෙනෙහස ගැන කියවෙන තවත් හැඟීම්බර ගීතයක් අරගෙන තමයි අද මම ඔබ හමුවට ආවෙ.
පිය සෙනෙහස කියන්නෙ මහා පුදුමාකර දෙයක්.ඒක කවදාවත් මැරෙන දෙයක් නොවේ.ගෙදර බුදුන් අම්මා වෙනකොට ගෙදර ඉටු දෙවියා වෙන්නේ අපේ ආදර පියතුමා මිසක් වෙන කවුද?.එහෙත් අවාසනාවකට අද සමාජයේ අති බහුතරය මව්පිය සෙනෙහස හඳුනන්නේ නෑ නේද?.මේ ගීතය අහනකොට ඔබටත් නොදැනීම ඔබේ දෑස කඳුලින් තෙත් වේවි.ගීතය අහලා ඔබත් ඔබේ හදවතට තට්ටු කරලා අහන්න ඔබ ඔබේ පියාට කොයි තරම් සලකනවාද කියා.
ඉතින් අද ලිපිය ටිකක් දිග වුණත් මම හිතනවා ඔබට යමක් ජීවිතයට එකතුකරගන්න පුළුවන් වුණා කියලා.බලලා යන ගමන් කමෙන්ට් එකක් දාන්නත් අමතක කරන්න එපා.
කුසගිනි ඉවසිය නොහැකිව කොලපත ගෙන අතේ - ඔබ දැඩි කළ පියා නේද මඟ හිඟන්නෙ පුතේ
එක වසරෙකි ඔබෙ මව් මා ළඟ සිටියේ පුතේ - ඔබ ඉපදුණු දිනම ඈගෙ මළගම විය පුතේ
හදවත තුළ ඇවිළුණු ගිනි සඟවාගෙන පුතේ - ඔබ නැළවුව ඒ දෑතට දැන් පණ නැහැ පුතේ //
සුළු මවකගෙ පිළිසරණක් නොපැතුවෙ මම පුතේ - මතුවට ඔබ හට අනදර වෙයි කියලයි පුතේ
ඇති දැඩි කළ මට වැඩියෙන් බිරිඳ ලොකුද පුතේ - මා අමතක කර දමන්න හොඳද ඔහොම පුතේ //
කෙදිනක හෝ දරු සුරතල් දකින විටදි පුතේ - පියෙකුගෙ ඇති වටිනාකම ඔබට දැනෙයි පුතේ //
පුතාට බුද්ධං සරණයි....
පුතාට ධම්මං සරණයි....
පුතාට සංඝං සරණයි....
No comments:
Post a Comment